Sveitarstjórn Skútustaðahrepps samþykkti þann 1. júní s.l. að auglýsa skv. 1. mgr. 43 gr. skipulagslaga nr. 123/2010 tillögu að breytingu á deiliskipulagi Hverfjalls í Skútustaðahreppi, sem tók gildi 29. apríl 2014. 

Helstu breytingar eru þær að lega aðkomuvegar meðfram Hverfjalli og fyrirkomulag bílastæða breytast og einn leggur gönguleiðar frá bílastæðum og upp á Hverfjall fellur út.  Tillöguuppdráttur með greinargerð mun liggja frammi á skrifstofu Skútustaðahrepps, Hlíðavegi 6, 660 Mývatni frá og með föstudeginum 16. júní til og með föstudeginum 28. júlí 2017. 

Þá eru tillögurnar einnig aðgengilegar á heimasíðu Skútustaðhrepps:  http://www.myv.is undir Skipulagsauglýsingar (hnappur á forsíðu). Frestur til að skila inn athugasemdum rennur út föstudaginn 28. júlí 2017.  Þeim sem telja sig eiga hagsmuna að gæta er  gefinn kostur á að gera athugasemdir við tillöguna innan tilskilins frests. 

Skila skal athugasemdum skriflega til skrifstofu Skútustaðahrepps, Hlíðavegi 6, 660 Mývatni og/eða í tölvupósti á netfangið: bjarni@thingeyjarsveit.is.  Þeir sem ekki gera athugasemdir við tillöguna innan tilskilins frests teljast henni samþykkir. Bjarni Reykjalín,skipulags- og byggingarfulltrúi Skútustaðahrepps.