Beint á leiđarkerfi vefsins

Reykjahlíđarskóli

Heilsueflandi grunnsskóli

Menntun er mikilvæg forsenda heilbrigðis. Jafnframt er líkamlegt, andlegt og félagslegt heilbrigði og vellíðan mikilvæg forsenda náms og góðs námsárangurs. Í aðalnámskrá grunnskóla frá 2011 eru heilbrigði og velferð þess vegna skilgreind sem einn af sex grunnþáttum menntunar, sem grunnskólar eiga að hafa að leiðarljósi og innleiða í öllu sínu starfi. Þróunarstarfi Heilsueflandi grunnskóla er ætlað að styðja skóla í að vinna markvisst að heilsueflingu í sínu starfi og þar með uppfylla hlutverk sitt á sviði heilbrigðis og velferðar í samræmi við ákvæði þar um.

Sérstök áhersla er lögð á að vinna með átta lykilþætti sem tengjast skólastarfinu, þessir þættir eru:

  • nemendur,
  • nærsamfélag,
  • hreyfing og öryggi,
  • mataræði og tannheilsa,
  • heimili,
  • geðrækt,
  • lífsleikni og starfsfólk.

Embætti landlæknis, Velferðarráðuneytið og Mennta- og menningarmálaráðuneytið standa að þróunarstarfi um Heilsueflandi grunnskóla. 

Heilsueflandi grunnskóli:

·        stuðlar að góðri heilsu og líðan nemenda og starfsfólks skólans,

·        bætir námsárangur nemenda

·        örvar til þátttöku og ábyrgðar með virðingu fyrir lýðræðislegum vinnubrögðum og mannréttindum,

·        sér til þess að skólaumhverfið sé öruggt og hlúi að nemendum og starfsfólki skólans,

·        eflir nemendur í námi og félagslífi og til að vera virkir þátttakendur í hvoru tveggja,

·        tengir saman heilbrigðis- og menntunarmál

·        tekur á heilsu og vellíðan alls starfsfólks skólans,

·        vinnur með foreldrum og sveitarstjórn,

·        fléttar heilsu og velferð saman við daglegt skólastarf, námskrá og árangursmat,

·        setur sér raunhæf markmið sem byggjast á nákvæmum upplýsingum og traustum vísindalegum gögnum,

·        leitast við að gera betur með því að fylgjast sífellt með, meta stöðuna og endurmeta aðgerðaáætlanir.

Í janúar 2014 hóf Reykjahlíðarskóli að starfa í anda Heilsueflandi grunnskóla og var ákveðið að taka fyrst fyrir mataræðið. Stofnaður var stýrihópur sem heldur utan um starfið og í honum eru einn kennari, einn úr hópi annarra starfsmanna, einn úr nærsamfélaginu, eitt foreldri og tveir nemendur.

 


Tilkynningar


Viđburđadagatal

 «Apríl 2017» 
sunmánţrimiđfimföslau
      1
2345678
9101112131415
16171819202122
23242526272829
30      


Slóđin mín:

Heilsueflandi grunnskóli

Stjórnborđ

Forsíđa vefsins Stćkka letur Minnka letur Hamur fyrir sjónskerta Senda ţessa síđu Prenta ţessa síđu Veftré

Mynd